Tulo ka wanted sa kasong kidnapping, gidala na sa Iligan City

Gidala na sa Iligan City pinaaagi sa Anti-kidnapping Group, Mindanao Field Unit sa Iligan City ang tulo ka wanted sa kasong kidnapping nga nasikop sa Tagoloan, Misamis Oriental kagahapon sa buntag. Kini ang gibutyag ni PO1 Aljon Linaban, desk officer sa Tagoloan Municipal Police Station sa interview sa dxCC-RMN Cagayan de Oro. Ang tulo ka mga suspek mao silang Maxima Maraasin, 40 anyos, Cesar Ian Tapayan, 27 anyos, ug Brian Tapayan, 27 anyos, puros minyo ug taga Zone 1, Lower Buguac, Sta. Cruz, Tagoloan, Misamis Oriental. Nasikop ang tulo pinaagi sa kapulisan sa Tagoloan Municipal Police Station ug Iligan City Anti-kidnapping Group.