Supplemental Budget alang sa ipamalit ug mga heavy equipments sa syudad pasado na sa konsehoPASADO na sa Sangguniang Panlungsod niadtung nakalabay nila nga session ang Supplemental Budget No. 3 nga mokabat sa kapin 400 milyones pesos.  Kini mao ang gahin sa siyudad alang sa pagpalit sa mga heavy equipment nga nag gikan sa hulaman nga salapi gikan sa Development Bank of the Philippines.  Nakalusot ang maong appropriation ordinance sa boto nga dose pabor niini samtang duha ang nag-abstain nga mao sila si Councilor Samuel “Tatay” Huertas ug Councilor Eric Capitan.  Boot ni Huertas nga aduna una’y ratipikadong kontrata sa loan samtang buot usab ni Capitan nga kumpirmahon una nga nakasulod na sa panudlanan sa siyudad ang gihulamang pundo.